قصيده عن فقدان الأب

موضوع حلو نستني جديدك

السلام عليكم كيف حاالكم؟؟؟
جايبه لكم
مرثية عن ابي

يابوي ليتك حيّ وتشوف حالي
تشوف وش هو صار من بعد فرقاك


صار الوطن بعدك من الناس خالي
صار... ( الوطن غربه ) بعد مافقدناك


يابوي أنا بعدّك سهير الليالي
مقهور من دنيّاي منّا.... ومنّاك !


حدتني الدنيا وأنا راس مالي
إني ... عزيز النفس . مثلك وشرواك


مافيه شيٍ في حياتي صفالي
حتى . الورود . إن جيتها صارت أشواك


أطيح واحمولي عليّه إثقالي
وأتخيلك مديت لي كف , يمناك


بعدّك ولامره ترى إرتاح بالي
أصفّق على كفي ندم وآتحراك


من ضيقتي ياكّم أصّدق خيالي
وأقوم أدوّر عنّك وآقول ب القاك


أضيع بالعالم وهمي سؤالي ؟
هو أنت ؟ وينك ؟ ليه ماعاد شفناك ؟


أدري لو إنك حي ياعز غالي
يمديك.. تفزع قبل.. ماجيك وانخاك !!


ويلاه , ياحالي وماهو جرالي
ويلاه , ياقلبٍ تعذب في طرياك


ويلاه , يابويّه من اول وتالي
لا...... والله.. أول.. كان.. ينجيني إدعاك


واليوم من بعدك وش اللي بقالي
غير إني أدعي ربي يغفر خطاياك


يالله حطّه وسط منزال عالي
في جنة الفردوس يارب الافلاك


واغفر ذنوبه ياعزيز الجلالي
وشرح لي صدرٍ ضااااااق من جّور دنياك

اللهم اغفر له وارحمه واجعل قبره روضه من رياض الجنه

يبه شلونك

ملل هالكون من دونك ..

يبه شلونك ؟؟

وتمضي رحلة الدنيا..

بليا طلة عيونك..

يبه شلونك ؟؟

وشلون المرض وياك ؟؟

بعد ماهدك بدنياك..

عساها تغمض جفونك ؟؟

تبي تدري عن أحبابك ؟؟

عن عيون تغنا بك ؟؟

عن قلوب دفنها الشوق..

واذا جاها الغفا جابك ؟؟

.. يبه أمي تخيلك دوم

تغني لك مع القمرا..

يبه واللي خذاك بيوم..

خذا بكريتك عفرا..

خذا.. وياماخذا.. وياما..

خذا ناس يحبونك

يموج بهالزمن كل شي..

وحنا ماتموجنا..

على ذاك العهد نسري..

نبيع العمر والدنيا..

ولا تخلف بنا ظنونك

يبه شلونك ؟؟

تبي تدري عن أخباري ؟؟

عن أفكاري وتذكاري ؟؟

أشيلك داخلي جمرة ..

وبعيون الحزن عبرة..

تغرقني .. وتحرقني..

أشوفك نجمة تجبر..

مراعيها .. يراعيها..

وأشوفك للرجولة اسم..

إذا شد الزمن تقسى..

وأحلم من معاني الحلم..

أحسك مقبل بكرى..

وعيا لا يجي بكرى !!

يبه تذكر زمان مر؟؟

لاقالو عمر؟؟

هو أحلى مابهذا العمر..

يبه تذكر مجالسنا ؟

مقلطنا ومجلسنا ؟

وحارتنا ومسجدنا ؟

يبه تذكر هدايا العيد ؟

صلاة العيد؟ وبشت العيد؟

يبه تذكر سوالفنا ؟

لاجل هذا ..

وكل هذا ..

اقول اليوم يايبا ..

ملل هالكون من دونك

غفرالله له واسكنه فسيح جناته

اسعدنا تواصلك بالمنتدى اختي اسرارالكون تقبلي مروري

الله يغفرله ويرحمه






تحياتي ا ل م ق ص و د ي